Telegram yangiliklari
Eng so‘nggi yangiliklardan xabardor bo‘lish uchun bizning Telegram kanalimizga obuna bo‘ling.
Sayyoramizda tabiatning tasavvur qilib bo‘lmaydigan go‘zalligi va ibtidoiy odamlarning izlarini birlashtiradigan juda ko‘p noyob joylar mavjud. Quruqsoy darasi chindan ham sirli joy. Sayyoramizning olis burchagi, go‘yo begona ko‘zdan yashirinayotgan kabi, Qashqadaryo viloyatida, Jizmonsoy qishlog‘ida joylashgan.
Bu yerda tog‘larning, o‘simliklarning va g‘aroyib tosh shakllarining betakror go‘zalligidan tashqari, osmonda baland uchgan burgutlar, buloqlar va tosh asrining qadimiy qoyatosh rasmlari ham bor. Siypantosh (mahalliy aholi uni shunday deb ataydi) qoyatoshidagi rasmlarda qadimgi odamlar, yovvoyi otlar, bo‘rilar, kulonlar, tulkilar, tuyalarni ovlash sahnalari aks ettirilgan va va hatto qo‘l izlarini ham mavjud. Keyingi davrlarga xos bo‘lgan rasmlar ham saqlanib qolgan bo‘lib, ularda qadimgi odamlarning kamon va o‘rgatilgan itlar yordamida qanday ov qilganliklari aniq ko‘rsatib berilgan.
Bu yerda hayratlanarli “poklanish toshlari” ham bor. Odatda, bunday toshlar katta harsangga o‘xshaydi, ularning o‘rtasida va pastki qismida inson qulog‘iga o‘xshash yo‘lak bor. Mahalliy afsonalarga ko‘ra, bunday toshning ichidan o‘tilsa, gunohlardan butunlay poklanish mumkin.
Qiziqarlisi shundaki, toshning ichidan o‘tishi insonning o‘lchamlari emas, balki uning gunohkorlik darajasiga bog‘liq. Baʼzida katta gavdali odam hech qanday qiyinchiliksiz tosh qulog‘idan o‘tib ketadi, ozg‘in odam esa tiqilib qoladi. Bu – toza va maftun etadigan darajada go‘zal, siru-sinoatlarga boy, afsunkor Qashqadaryo
Surat manbai: mr-shor.livejournal.com
Ish vaqti: 9:00-18:00, Du-Ju
Savollar uchun
ENG
RUS
CN
JPN
ARA
FRA
DE
POR
ESP
TUR
ITA
HIN
MAL
